هادا واحد السكران سافر للرباط،وحيت وصل لقا ف الدخلة ديالها بلاكة مكتوب عليها " الرباط سلا"...
هو يسول واحد البوليسي: هاد الرباط ما لقي ايمتا يسالي حتا جينا ليه حنا.
هادا واحد الراجل دا ولدو للسوق باش يعلم ليه الألوان
ورا ليه ماطيشة وقال ليه: شوف أولدي، هادي ماطيشة وراها حمرة واخا كتبان ليك صفرة، راه غير باقا خضرة
قررت شرطة المرور تكافئ كل واحد داير حزام السلامة
لقاو واحد مبوق سايق طوموبيلتو وداير الحزام، وعطاوه 2000 درهم
وسولوه: أشنو غادي تدير بهاد الفلوس؟؟
قال ليهم: نزيد عليهم ونمشي ندوز بيهم لبيرمي
قاليك هذا واحد لمكلخ اول مرة مشا لمدينة. دخل لواحد الدرب ، هوا يلقا واحد جماعا كايتحششو، شويا كانت جايا سطافيط لبوليس ، هوا يقوليه واحد لمحشش واهرب اصاحبي راه صطافيط جايا، هوا داك لمكلخ مافهمش بقا واقف تا جات سطافيط، هوا يمشي عند لبوليسي لي خارج من سطافيط قاليه اهرب المصخوط راه صطافيط جايا !!!
^^^^^^^^^^^^^^^^^^^^^^^^^^^^^^^^^^^^^^^^
هادا واحد لمرا مين كايمشي راجلها كادخل عليها لدار 3 ديال رجال (كاتفسد على راجلها) واحد نهار رجع راجلها على غفلى هوما يتخبعو فلخناشي. هوا يقوليها اشنو هادشي. هي تقوليه هادي تقدية جبتها . هوا يركل خنشا لولا هوا يسمع ''قوقو عوش" (زعما دجاج) .ركل لخنشة تانية سمع "باع" قاليها مزيان راكي جبتي حولي. ركل ثالثة ماسمع والو . بدا كايركل فيها كايركل فيها هوا يخرجلو راجل قاليه امال مك باطاطا كتهدر؟
====================================
هدا واحد مكلخخخخخخ كايقرا وماعمرو مهز صبعو .واحد مرا قاليه اوستاد وقف نتا.قاليه: واش آنآآ؟ قاليه ايه نتا، رسملو شجرا قاليه قولي شنو هادي قاليه : واش آنا؟قاليه اييه نتا شنو هادي.قاليه : سبورآآ؟ قاليه لا (دارسبعو حدا شجرة) هادي. قاليه صبعك؟ قاليه لآآا (هوا يجبد لعصا وداره فشجرا لرسم) قاليه هآآديييييي. قاليه لخوشبا؟ قاليه وايلا نجحتي اولدي بزق عليا. قاليه واش دابا؟ قاليه نوض خرج عليا. قاليه اوستآآاد ، عدنا عوطلآآآ؟؟؟؟
====================================
هادا واحد راجل كايمشي لقهوة مين كيبغي ينوض كايرمي على ڭارسون 50 دريال مسرفة ريالات. ولڭارسون مسكين كيبدا يجمع وعيا، وكايتسنا غير فوقاش يفدي دكشي.واحد نهار عطاليه
100دريال مجموعة. هوا فرح وردلو صرف 50ريال ريالات ورماها. هوا يقوليه دك راجل : زدنيعافاك شقهوة خرا
====================================
هادا واحد لبنت كاتسنا شيواحد ايجي يخطبها. واحد نهار جاواحد خينا قاليهوم انا عندي طياير و عندي لمحلات وسوبيرمارشيات ولڤيلات ولفيرمات ولكن كاين ديفو واحد. قاليه باها وامين ديفو واحد ماكاين تا مشكل غير قول قاليه انا كديديب شويا.
هاد واحد المرا كتشك فزوجها
واحد اليوم لقات عليه شعرة زعرة قالت ليه شكون هاد الزعرة اللي كنت معاها
واحد النهار لقات شعرة حرشة قالت ليه شكون هاد السودة اللي كنت معاها وواحد النهار ما لقات حتى شعرة قالت ليه شكون هاد القرعة اللي كنت معاها
واحد الراجل مشا عند البقال و قاله اعطيني بوطاغاز البقال قاليه او الخاوي ؟؟؟ رد عليه :غدي نشربها هنا.
هذا وحد الرجل بغا ينتحر أو مشى لواحد المقهى في إسبانياو كان باغي ينتحر او هادوك لي لتحت جابولو لفلوس و قالولو متنتحرش و واحد المرة بغا يدير هكاك حتى في المغرب و قالو وحد الرجل لتحت طيح طيح نشوفوك كي غادي الدير
راجل خشا يديه فما قاطع مالقاهاش . خشا راسو كيقلب عليها
واحدا قالت لراجلها نصوب لك مصمن ولا بعرير.. قال ليها صوبي فمك هوا الاول
هذا محماد الشلح مول الحانوتة , لقى ولدو تيشوف في شامبوان...وهو يصلع ليه.
امرأة رئيس الوزراء، اتصلت بزوجها وقالت له : يمكن عندنا شفار في الدار. جاوبها: العجب، مع العلم ان كل الوزراء حاضرين عندي في الاجتماع....
هدا واحد أحول...... تسجل في الجيش ...... حطوه في قسم القصف العشوائي.
هذا واحد الفضولي، دائما يتدخل فيما لا يعنيه، واحد النهار لقى الناس مجمعين على حادثة سير، وهو يقول ليهم خلوني ندخل أنا أخ الضحية، ملي دخل، لقى ياطيب ميت.
هذا واحد الشلح ساكن في المحلبة، ولدو بات بلا عشاء ، قال ليه أبا فيا الجوع ، باه هز الريدو وقال ليه: شوف الحوانت كلهم سادين
*مع احتراماتي لكل الشلوح*
هدا واحد الدري مشى عند درية أ سولها أشنو سميتك
قالت ليه fati fleur (فاطمة الزهراء)
قالت ليه أ انت
قال ليها le pere de vendredi (بوجمعة )
واحد سميتو مبارك شرا حولي داخل بيه للدرب جارتو شافتو من الشرجم قالت ليه مبارك الحولي قال ليها خدوج النعجة
واحد السينيغالي دهب لاحد المتاجر
وقال لصاحبه اريد قلم اسود .السينيغالي جرب القلم في
يده و قال لصاحب المتجر القلم لا يكتب
معلم في قسم فيه الا الاغبياء رسم لهم ضفدعه قربها
1 و كل واحد كيف تكون اجابتو (ضفدعة و 1)-(1+ضفدعة)…
في الاخير ناض واحد الكسول يجاوب و قال ضفدعتعشر
الاب ديال ادريس البصري، شاف ولدو تيلعب الكولف في فرنسا، وهو يقول: إيه يا ولدي ادريس، رجعتي للعتلة عاود ثاني.
قالك هدا واحد العروبي مشا عند الطبيب ولقى فيه السكر.فاش مشا لدارو وبداو الناس كيزوره كيقولولو اش قالك اطبيب؟ قالهوم قالي الطبيب راك حلو
الفوهامي غادي إمشي معا المنتخب باش إلعبو على كأس إفريقيا
مين بغا إمشي سلم على ولادو أومراتو أعتاها 20 ألف .
قالت ليه أش هادشي عاتيني راه ماقاد غادي إكمل دغيا !!!!
قال ليها أوا حتا نتي غي ستري راه واحد 3 إيام أوا 4 غادي نجي
واحدة كاطلب (متسولة) قال ليها واحد فرضنا ربحتي 100مليون اش غاديري بيها. فالت نبني جامع نطلب فيه وحدي
قال لك واحدة وصلت للقسم معطلة..قالها الاستاذ" أش هاد التعطال؟..جاوباته: كان تابعني واحد كيبسال عليا..
قال لها الأستاذ: إيوا راه خاص توصلي بكري ماشي تعطلي!!!
جاوباته: لااا..راه كان كيتمشى بشويا.......
واحد المكلخ كان غادي ولقى 4000 ريال وهو يبدا كيفكر
غادي نعطي 1000 للوالد كايتسالها ليا
و1000 للوالدة كاتسالها ليا
و 2000 اللي كايسالني مول الحانوت
وهو يقول اش غادي يبقى ليا !!!
و الله لا هزيتها
لولد: بابا بغيت ناخد كيري
الأب: والله ماتاخد غير بنت عمك طامو
الولد: بابا راه كيري فرماج
الأب: حتى طامو راها زبدة
أش كتعرفو فالزين
هادو جوج مكالخين واحد قال لاخور إلى عرفتي آشنو كاين فهاد الميكا الكحلى نعطيك ليمونة منها، قاليه لاخور الحوت.
هدي واحد لمراة قالت لولدها فاش يجيو ضياف او تجيك لبولة قولي ماما بغيت نغني فاش جاو الضياف مالقاش مماه مشا عند جدوو قالو جدي بغيت نغني عطاه ودنو قالو غني اولدي.
قال لي هادا واحدمككلللخخخ سيفتو خوه يصرف ليه 50درهم مشى هو يلقى 50درهم مصرفا هو يحط المجموعة و هز المصرفة.
هدا واحد تلاتة لمشات حاملات كيعاودو كيفاش حملو بدات طاليانية قالت ليهم تلاقينا ودار عليا وانا نحمل جات لفرانسوية قالت ليعم عجبني وعجبتو وانا نحمل جات لمغربية قالت ليهم ماجيت نطل على سطل ديال زبل ماعرفت ضربا منين جاتني
واحد تالف سول واحد خينا : خويا عافاك أشنو أسرع طريق توصلني لصبيطار؟
قال ليه : غمض عينيك وقطع الشانطي
واحد مكلخ مشى عند مول الشفنج، قال ليه: عطيني كيلو ديال الشفنج.
كلاه وما شبعش، قال ليه: زيد نص كيلو.
كلاه وما شبعش، قال ليه: زيد رابعة.
كلاه وهو يشبع، وقال تفوووووووو من اللول كنت ناخد رابعة.
هادا واحد الولد مستيلي كان راكب ف الطوبيس ولابس سبرديلة ديال ربعين ألف ريال
جات واحد المرا شارفة عفطات عليه
قال ليها: سمحي ليا أ الوالدة، راكي عافطة على ربعين ألف ريال
تحنات المرا مادة إيديها وقالت ليه: ديال أوليدي
هادا واحد غليييييييض بزاف تلاقا مع واحد رقيييييييق بزاف
قال ليه: يا خويا اللي شافك يقول عايش ف بلاد فيها مجاعة
قال ليه الرقيق: واللي شافك يعرف شكون دار هاد المجاعة
هادا واحد جات عندو نســـيـبتو. قال ليها: شحال غتبقاي معانا؟
قالت ليه: حتى تملو مني
قال ليها: وبقاي غير حتى تشربي أتاي بعدا
واحد الولد مكلخ سول أمه: كون ما تزوجتيش بابا وما ولدتينيش وشفتيني عند الناس... تعرفيني؟
واحد المعلم ديال الابتدائي قال للتلاميد دياولو: أنتم رجال المستقبل، أنتم مصابيح الغد
وهو يوقف واحد التلميد وشير لصاحبو اللي ناعس على الطاولة حداه: أستاد أستاد، ها واحد البولة تسوطات.
واحد البنت واقفة بطموبيلتها فالفوروج.
شعل الاخضر ما مشاتش. شعل الاصفر ما مشاتش. شعل الاحمر ما مشاتش.
وهو يجي عندها البوليسي و قال ليها: سمحي لينا أختي، راه غير هاد اللوينات اللي عندنا
واحد الولد سول باه: بابا أشنا هو الموديم؟
قال ليه باه: ما عرفتش أولدي.
قال ليه الولد: أشنا هي الانترنت؟
قال ليه باه: ما عرفتش أولدي.
قال ليه الولد: أشنا هي العولمة؟
قال ليه باه: ما عرفتش أولدي.
قالت ليه أمه: خلي عليك باك بركة من التبرزيط
قال ليها راجلها: لا، خلي الولد يستافد
واحد المكلخ شرى أيفون. شوية رجعو للمحل، وقال ليهم: ما حشمتوش؟ بعتوا ليا أيفون قديم
قالو ليه: باش عرفتيه قديم؟
قال ليهم: التفاحة اللي فيه معضوضة.
قاليك هدا و احد مشا لطبيب و هو مافيه حتى مرض، كالو طبيب سير الدار و بقى تقول أنا بريت أنا بريت أنا بريت و غادي تبرى، و حيت كان غادي كالو طبيب ماخلصتنيش فالو سير لدار حتى نتى و بقى تقول أنا تخلصت أنا تخلصت و غادي تخلص.
السبت يناير 28, 2012 7:21 am
